ABŞ BMT-yə İsrail əleyhinə qətnamə TƏQDİM ETDİ: "Ciddi nəticələrə səbəb olacaq"

ABŞ İsraili Qəzza zolağının cənubundakı Rəfah şəhərinə yeni hücumlara qarşı xəbərdar edən qətnamə layihəsini BMT Təhlükəsizlik Şurasına təqdim edib. 

Sfera.az xəbər verir ki, bu barədə Bloomberg məlumat yayıb. 

Layihənin mətnində qeyd olunur ki, Rəfahda genişmiqyaslı əməliyyatın keçirilməsi mülki əhalinin daha çox zərər çəkməsinə və onların daha çox yerdəyişməsinə, o cümlədən potensial olaraq qonşu ölkələrə köçürülməsinə səbəb olacaq ki, bu da regionda sülh və təhlükəsizlik üçün ciddi nəticələrə səbəb olacaq.

Nəşrin məlumatına görə, ABŞ-də İsrailin Baş naziri Benyamin Netanyahudan narazılıq artır:

"İsrail bölmələri ABŞ və Avropa liderlərinin mülki əhalinin təhlükəsizliyini təmin etmək tələblərinə baxmayaraq, Qəzza zolağında hücum əməliyyatını inkişaf etdirmək niyyətindədir".

Xatırladaq ki, bundan əvvəl Rusiya xəbərdarlıq etmişdi ki, Birləşmiş Ştatlar BMT Təhlükəsizlik Şurasının Qəzza ilə bağlı qətnaməsinin qəbuluna mane ola bilər. Rusiya Federasiyasının BMT-dəki daimi nümayəndəsinin birinci müavini Dmitri Polyanski bildirib ki, Vaşinqton dərhal atəşkəs əldə etməyi nəzərdə tutan Əlcəzair layihəsi ilə razı deyil.

Əzizə Zeynal