ABŞ İrana birbaşa hücum etməyi planlaşdırmır.

Sfera.az bildirir ki, bu barədə “Politico” nəşri amerikalı rəsmilərə istinadən məlumat yayıb. Qeyd olunub ki, Vaşinqton Yaxın Şərqdəki bazalarına edilən hücumlara cavab olaraq bunu etməyəcək. Nəşr vurğulayıb ki, İrana birbaşa zərbə ABŞ-nin planlaşdırılan hər hansı cavabının tərkib hissəsi deyil.

“Həmçinin, ABŞ prezidenti Co Baydenin köməkçilərinin İrana zərbə endirmək variantlarını təklif edib-etmədiyi də bilinmir”, - “Politico” əlavə edib.

Eyni zamanda, Bayden administrasiyasının nümayəndələri milli təhlükəsizlik üzrə müşavir Ceyk Sallivanın fevralın 4-də “CNN” telekanalına verdiyi açıqlamaya münasibət bildiriblər.

“İrana mümkün zərbə ilə bağlı suala Sallivan ABŞ-nin hər hansı hərəkətini təsdiqləmək və ya təkzib etmək niyyətində olmadığını bildirib. Fikrimizcə, Sallivan İrana birbaşa hücumun real ehtimalına eyham vurmağa çalışmayıb. Ağ Ev sadəcə gələcək mümkün əməliyyatlar haqqında danışmaq istəmir”, - rəsmilərdən biri qeyd edib.

Günay