Qaribaşvilinin gedişi Qafqazda nələri dəyişəcək?

Gürcüstanın baş nazirinin dəyişməsi Tbilisinin xarici siyasət vektorunu heç bir şəkildə dəyişməyəcək, çünki İrakli Qaribaşvilinin gedişi 2024-cü ilin payızında keçiriləcək parlament seçkiləri ilə bağlıdır və normal rotasiyadır.

Sfera.az xəbər verir ki, bunu "Sputnik Ermənistan"a Gürcüstan prezidentinin keçmiş aparat rəhbəri Petre Mamradze müsahibəsində deyib. O, qeyd edib ki, Tbilisi hətta yeni baş nazir olsa belə, qonşuları, o cümlədən Ermənistanla dostluq münasibətləri qurmağa davam edəcək.
 

"İrəvan da daxil olmaqla, vəziyyətlə tanış olan hər kəs heç bir dəyişiklik barədə düşünməyəcək. Başlanmış hər şey davam edəcək və bu dəyişikliklər heç bir şəkildə münasibətlərə təsir etməyəcək", - Mamradze deyib.

Ekspert Qaribaşvilinin istefasını və hakim partiyanın sədri postuna təyin olunmasını yalnız oktyabrın 26-da keçiriləcək parlament seçkiləri ilə izah edib.

"Seçkilərə hazırlıq gedir. Əsas odur ki, komanda bir olsun, heç kim getməyib", - Mamradze bildirib.
 

Qaribaşvili iki dəfə baş nazir olub və son üç ildə aktiv siyasətlə məşğul olub. Mütəxəssis qeyd edir ki, menecer kimi o, “ən yaxşı olduğunu sübut etdi”, indi onun bütün təcrübəsi partiyanı gücləndirməyə gedəcək.
 

Üstəlik, eks-baş nazirin artıq müxalifətlə ünsiyyət təcrübəsi var, ondan hər an, xüsusən də seçki kampaniyası zamanı təxribat gözləmək olar. Mamrazde hesab edir ki, Qaribaşvili partiya sədri postuna çox effektiv namizəddir, onun təcrübəsi və nüfuzu hazırda “Gürcü arzusu”na lazımdır.
 

Kobaxidzenin baş nazir postuna namizədliyinə gəlincə, ekspert bildirib ki, o, təcrübəli insandır, indiki mərhələdə ən uyğun fiqurdur.
 

İrakli Kobaxidzenin 46 yaşı var, Tbilisidə siyasətçi Giorgi Kobaxidzenin ailəsində anadan olub. Tbilisi Dövlət Universitetinin, Gürcüstan Milli Elmlər Akademiyasının Dövlət və Hüquq İnstitutunun və Düsseldorf Universitetinin məzunudur. Hüquq üzrə fəlsəfə doktorudur. ️2016-2019-cu illərdə Gürcüstan parlamentinin sədri olub. O, Tbilisidə qalmaqal və etirazlar fonunda istefa verib. Bu münasibətlə Gürcüstan parlamentinin iclas zalında (komissiyalardan birində müzakirələr zamanı) Dövlət Dumasının spikeri Sergey Qavrilovun tribunadan çıxışı olub.

Əzizə