ABŞ-nin Kiyevlə bağlı YENİ PLANI: “Ötən ilki hücumlardan fərqlidir”
ABŞ Ukrayna ordusu üçün yeni müdafiə strategiyası hazırlayır.
Sfera.az bildirir ki, bu barədə “The Washington Post” yüksək rütbəli amerikalı məmura istinadən yazıb. Qeyd olunub ki, Baydenin administrasiyası Ukrayna Silahlı Qüvvələrinin uğursuz əks-hücumundan sonra bu addımı atıb.
“Kiyev keçən ilki uğursuz əks-hücumdan sarsılıb və bu proses hələ də davam edir. Vaşinqton isə ərazi qazanclarını nəzərdə tutan yeni strategiya hazırlayır. Bayden Ukraynaya kömək etməyə çalışır. Yeni plan ötən ilki hücumlardan fərqlidir, kəskin dəyişikliklər var”, - amerikalı məmur bildirib.
Onun sözlərinə görə, yeni plana əsasən, Ukraynanın hələlik döyüş meydanında öz mövqeyini qoruyub saxlaması nəzərdə tutulub:
“Bəlli məsələdir ki, Kiyev ötən il etməyə çalışdığı kimi, bütün cəbhələrdə ciddi hücuma keçməkdə çətinlik çəkəcək”, - yüksək vəzifəli administrasiya rəsmisi əlavə edib.
Günay
