Məhəmməd peyğəmbəri təhqir edən deputat: "İslam simvolları qadağan edilsin!"
İsveç parlamentinin deputatı Riçard Yomshof İslam simvollarının qadağan edilməsinə dair çağırış edib.
Sfera.az xəbər verir ki, isveçli deputat, parlamentin ədliyyə komitəsinin sədri Riçard Yomshof ictimai yerlərdə islami simvollardan istifadəni qadağan etməyin daha uyğun olduğunu deyib:
“Aydındır ki, minarələr də, aypara da İslamın simvollarıdır. Bir çox insanın nöqteyi-nəzərindən, o cümlədən mənim fikrimcə, bu çox təhlükəli və çox pis bir şeydir. Belə bir məhdudiyyət sözsüz ki, irəliyə doğru atılmış mühüm addımdır”.
Eyni zamanda, deputat qeyd edib ki, o, “islamı nasizmlə eyniləşdirmir”, İslam simvollarının təhlükəsindən danışır:
“Mənim üçün örtünmək islama aid bir xüsusiyyətdir. Bilirəm ki, bir çox insanlar və qadınlar da eyni düşünürlər".
Xatırladaq ki, Yomshof ötən il sosial media hesabında Quranın yandırılması ilə bağlı təxribatların qarşısını almaq üçün İsveçdə yaşayan müsəlmanların dialoq çağırışlarına Məhəmməd peyğəmbəri təhqir edən açıqlamalarla cavab vermişdi.
İnci
