Rəsmilər Şəhidlər xiyabanında - FOTOREPORTAJ

Azərbaycanda 1990-cı il yanvarın 20-də baş vermiş faciədən 34 il keçir.

Sfera.az xəbər verir ki, 20 Yanvar - Ümumxalq Hüzn Günü ilə əlaqədar Azərbaycanın hökumət və dövlət nümayəndələri, diplomatik korpusun təmsilçiləri, sıravi vətəndaşlar 20 Yanvar faciəsinin qurbanlarının dəfn olunduğu Şəhidlər Xiyabanını ziyarət edib.

Təhlükəsizlik Şurasının katibinin müavini Mədət Quliyev, Azərbaycan Respublikasının Baş prokuroru Kamran Əliyev, Fövqəladə Hallar Nazirliyinin rəhbər heyəti, Daxili İşlər Nazirliyinin rəhbər heyəti, Türkiyənin Azərbaycandakı səlahiyyətli səfiri Cahid Bağçı, xarici işlər nazir müavini Mahmud Məmmədquliyev, Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Quliyev, Dövlət Turizm Agentliyinin sədri Fuad Nağıyev, Dövlət Miqrasiya Xidmətinin rəisi Vüsal Hüseynov, elm və təhsil naziri Emin Əmrullayev, əmək və əhalinin sosial müdafiəsi naziri Sahil Babayev, Medianın İnkişafı Agentliyinin İcraçı direktoru Əhməd İsmayılov, Qafqaz Müsəlmanları İdarəsinin sədri Allahşükür Paşazadə, Bakı şəhəri Dağ Yəhudiləri dini icmasının sədri Milix Yevdayev, Roma-Katolik Kilsəsinin Azərbaycandakı ordinarisi Vladimir Fekete, AZAL-ın rəhbər heyəti və başqaları ölkəmizin azadlığı uğrunda həlak olan qəhrəman Vətən övladlarının məzarları üzərinə güllər düzüb, əziz xatirələrini ehtiramla yad ediblər.

Firuzə Əliyeva

Fotolar: Anar Bayramlı