ABŞ-dən Bakı və İrəvan arasında sülh haqda MÜHÜM AÇIQLAMA 

ABŞ Azərbaycan və Ermənistanı sülh müqaviləsi imzalamağa çağırıb.

Sfera.az bildirir ki, bununla bağlı Dövlət Departamentinin sözçüsü Metyu Miller brifinqdə çıxış edib.

O qeyd edib ki, hər iki ölkə arasında aparılan danışıqlarda əhəmiyyətli irəliləyiş var. “Son bir il ərzində tərəflər əhəmiyyətli irəliləyiş əldə ediblər və biz onları bu sürəti qoruyub saxlamağa, əvvəlki danışıqların nəticələrinə əsaslanmağa və razılığa gəlməyə çağırırıq”, - Miller əlavə edib.

Qurum rəsmisi həmçinin, Vaşinqtonun hər iki ölkənin suverenliyini və ərazi bütövlüyünü dəstəklədiyini vurğulayıb: “Ümid edirik ki, onlar davamlı sülh sazişi imzalayacaqlar. Bu, nə qədər tez olsa, bir o qədər yaxşıdır”.

Günay