Rusiyanın xarici işlər naziri Sergey Lavrov ölkəsinə siyasi baxımdan daha yaxın olan Yaxın Şərq ölkələrinin adını açıqlayıb. 

Sfera.az xəbər verir ki, ötən ilin yekunları ilə bağlı keçirilən mətbuat konfrasında Lavrov Rusiyaya ən yaxın Yaxın Şərq ölkələrinin İran, Türkiyə, Səudiyyə Ərəbistanı, Birləşmiş Ərəb Əmirlikləri (BƏƏ) və Qətər olduğunu bildirib. 

Nazir xatırladıb ki, gərgin vəziyyətə baxmayaraq, 2023-cü ilin dekabrında Putin BƏƏ-yə və Səudiyyə Ərəbistanına bir günlük səfər edib. Putin Əmirliklərin prezidenti Məhəmməd bin Zayed Əl Nəhyan və Səudiyyə Ərəbistanının vəliəhd şahzadəsi Məhəmməd bin Salman Əl Səud ilə danışıqlar aparıb. 

Rusiya dövlət başçısı Moskvaya qayıtdıqdan sonra İran prezidenti İbrahim Rəisi onu ziyarət edib və onlar Kremldə danışıqlar aparıblar. 

Sentyabrda isə Türkiyə lideri Rəcəb Tayyib Ərdoğan Putinlə danışıqlar aparmaq üçün Soçiyə gəlib. İyun ayında Putin Kremldə Qətərin Baş naziri Məhəmməd bin Əbdülrəhman Əl Tani ilə də görüşüb.

Gözlənilir ki, Putin 2024-cü ildə Türkiyəyə səfər edəcək.

Vasif