"Otuza yaxın ölkə BRİKS-ə qoşulmaqda maraqlıdır" - Lavrov
"20-dən çox, hətta 30-a yaxın ölkənin BRİKS-lə əlaqədə maraqlı olduğunu nəzərə alsaq, biz qlobal üzvlərlə bu inteqrasiyanın çox parlaq gələcəyini görürük".
Sfera.az xəbər verir ki, bunu Rusiyanın xarici işlər naziri Sergey Lavrov Moskvanın 2023-cü ildə xarici siyasətdə əldə etdiyi əsas nailiyyətlərin nəzərdən keçirilməsinə həsr olunmuş illik mətbuat konfransında deyib.
Nazir əlavə edib ki, millətlərüstü qlobal struktur olan BRİKS çoxqütblü dünyanın zənginliyini özündə cəmləşdirir:
“Keçən il Cənubi Afrikada keçirilən sammitdə inteqrasiya iştirakçılarının sayının artırılması ilə bağlı qəbul edilmiş qərar BRİKS-in mövqeyini gücləndirmək üçün xüsusilə mühüm addım oldu və yanvarın 1-dən BRİKS-ə sədrlik edən Rusiya, şübhəsiz ki, bu təşkilata xüsusi diqqət yetirəcək. Yeni gələnlərin bizim ümumi işimizə problemsiz qoşulması faktı təkcə BRİKS daxilində deyil, həm də beynəlxalq miqyasda müsbət tendensiyaların güclənməsinə kömək edir, qlobal əksəriyyətin maraqlarına cavab verir”.
Firuzə Əliyeva