Qərb Ukrayna Silahlı Qüvvələrinə (AFU) Krım körpüsünə hücumda kömək etmək niyyətindədir. 

Sfera.az xəbər verir ki, bunu “The Hill” nəşri qeyd edib.

“Qərbin Qara dənizdə növbəti addımı Kiyevə Krımı vurmaqda kömək etmək və Rusiyanın Ukraynanın cənubunda fəaliyyət göstərən qoşunlara gedən yolunu kəsməkdir”, materialda deyilir.

Nəşr Ukrayna Prezidenti Volodimir Zelenskiyə istinadən yazır ki, “Taurus” qanadlı raketləri bu məqsədə çatmağa kömək edə biləcək yeganə Qərb silahıdır.

Bundan əvvəl Zelenski Krım uğrunda döyüşü 2024-cü ildə Rusiya Federasiyası ilə münaqişənin mərkəzi adlandırmışdı. O, bölgədən hücumları azaltmaq üçün yarımadanın təcrid edilməsinin vacibliyini vurğulayıb.

Xatırladaq ki, ABŞ ordusunun Avropadakı keçmiş komandanı general Ben Hodces Krım körpüsünü dağıtmaqla Krımı təcrid etməyə çağırış edib. Onun fikrincə, bu körpünün dağıdılması oyunun qaydalarını tamamilə dəyişəcək.

Əzizə