"Ölü seçicilər, vətəndaş olmayanlar səs verəcək" iddiasına Türkiyə rəsmisindən REAKSİYA
Xəbər verdiyimiz kimi, 31 mart 2024-cü il tarixində Türkiyədə bələdiyyə seçkiləri keçiriləcək. Seçkilərdən əvvəl Türkiyə mediasında zəlzələ bölgəsində həyatını itirmiş şəxslərin səslərinin hesaba qatılacağı ilə bağlı xəbərlər yayılıb.
Sfera.az bildirir ki, Türkiyə Yüksək Seçim Kurulunun sədri Ahmet Yener məsələyə aydınlıq gətirib.
O, yayılan məlumatların həqiqətə uyğun olmadığını diqqətə çatdırıb:
"Zəlzələ bölgəsi və bütün Türkiyə 31 Mart 2024-cü il seçkilərinə hazırdır. Mart ayında zəlzələ bölgəsinə gedəcəyik və gəldiyimiz son nöqtəni açıqlayacağıq. Həddindən artıq seçici qeydiyyatı, təkrarlama, “ölü seçicilər, vətəndaş olmayanlar səs verdi” kimi təsəvvürlər reallığı əks etdirmir. Bir şəxsin qeydləri 9 məlumatla yoxlanılır.Yerli və milli səviyyədə təchiz edilmiş və seçki günü məlumatların daxil edildiyi təhlükəsiz şəbəkədə xidmət göstərən SEÇSİS müstəqil qurumlar tərəfindən kibertəhlükəsizlik testlərindən keçir".
Əzizə Zeynal
