"Kürdlərə insan kimi baxmayanlarla əməkdaşlıq etməyəcəyik" - Tuncer Bakırhan
Xalqların Bərabərliyi və Demokratiya Partiyasının (DEM) həmsədri Tuncer Bakırhan Antalyada partiyasının ilk növbədənkənar qurultayında çıxış edib.
Sfera.az xəbər verir ki, Bakırhan partiyanı konqres otağı ilə təmin etməyən CHP Antalya bələdiyyəsinin ünvanına sərt açıqlamalar verib.
O, partiyasını yox sayanlarla əməkdaşlıq etməyəcəklərini qeyd edib:
"İndi sizdən soruşuram. Antalyada 50 konqres salonu var ikən gəlib şadlıq sarayında havasız yerdə qurultay keçiririk. Səsimizi alıb, bizim səsimiz ilə sultanlıq quracaqsınız, amma kürdlər zal tələb etdikdə verməyəcəksiniz. Antalyada - sizin ünvanınızda sizə səslənirəm: əməkdaşlıq da edərik, gücümüzü də birləşdirərik. Sizin xeyirinizə olan hər masada oturarıq, burada problem yoxdur. Lakin əsla faşistə, irqçiyə, bizə salam və yer verməyənə səs vermərik. CHP-li yoldaşlar da buradadırlar, onların qərargahında da görüşəcəyik. Bizi görməzliyə vuran, bizə insan kimi baxmayan, AKP (Ədalət və İnkişaf Partiyası) və ya MHP (Milliyyətçi Hərəkat Partiyası) kimi yanaşan insanlara nə səs verəcəyik, nə də onlarla əməkdaşlıq edəcəyik".
Əzizə Zeynal