Fransanın bölgədəki "çömçə" siyasəti: "Sülhə mane olmaq üçün..." - AÇIQLAMA

Fransanın Ermənistandakı səfiri Olivye Dekottinyi sosial şəbəkələrdəki profillərində erməniləri Milad bayramı münasibətilə erməni dilində təbrik edib.

“Sizi müqəddəs Milad münasibətilə təbrik edirəm. Ürəyim torpaqlarından qovulmuş, bayramı evlərindən uzaqda qarşılayan qarabağlı erməni qaçqınlarladır”,  - səfir təbrikində qeyd edib.

Bu təbrik Fransanın Cənubi Qafqazda sülhün və stabilliyin bərqərar olmasını istəmədiyinin sübutudur.

Bəs buna səbəb nədir?

Mövzu ilə bağlı Sfera.az-a danışan Milli Məclisin deputatı Ceyhun Məmmədov bildirib ki, Fransanın Ermənistandakı səfirinin erməniləri təbrik edərkən işlətdiyi ifadələr xüsusilə də, Qarabağ məsələsinə toxunması, Qarabağ erməniləri ilə bağlı səsləndirdiyi fikirlər bu ölkənin Azərbaycana qarşı qərəzli siyasətini davam etdirdiyini bir daha göstərir:

“Ermənistanla sülh müqavləsi bağlamağa hazırlaşarkən Fransa bölgədəki münaqişəni yenidən qızışdırmağa çalışır. Bu hal özünü Fransanın Ermənistanı silahlandırmasında, erməni xalqına ünvanladığı təbrikdə açıq şəkildə göstərir. Fransa Azərbaycanla Ermənsitan arasında bağlanacaq sülh müqaviləsinə mane olmağa çalışır. Bu ölkənin məkrli siyasətində bölgədə təxribatların davam etdirilməsi dayanır. Qeyd etdiyim addımlarla Fransa Cənubi Qafqazda möhkəmlənməyə çalışır”.

Deputat bildirib ki, ölkəmizin inkişafı, siyasi əlaqələrinin genişlənməsi Fransanı ciddi surətdə narahat edir:

“Fransanın ölkəmizə qarşı qərəzli siyasəti iki ölkə arasında yaranmaqda olan etimadı zədələməkdədir. Lakin bu kimi addımlar sülh yolunda başlatdığımız işlərə mane ola biməz”.

Ülkər Abdurahmanlı