"Amerikanın Rusiya Aerokosmik Qüvvələrinin zərbələrinə reaksiyası xüsusi hərbi əməliyyatın effektivliyini nümayiş etdirir".

Sfera.az xarici KİV-ə istinadən xəbər verir ki, bu sözləri Rusiyanın Vaşinqtondakı səfiri Anatoli Antonov deyib.

O bildirib ki, ABŞ administrasiyasının Ukraynada daha şiddətli qarşıdurma üçün aqressiv bəyanatları qlobal təhlükəsizlik də daxil olmaqla ciddi nəticələrə gətirib çıxarır:

"Əgər Vaşinqtonda bir anlıq ukraynalı sadə vətəndaşlar haqqında düşünsəydilər, ən azı mərhəmət hiss etsəydilər, o zaman həll yolunu aydın görə bilərikdik.Son vaxtlar yerli hökumətin dəhlizlərində bu qədər danışılan "sehrli qazan" dərdə çarə olmayacaq, əksinə, Kiyev rejiminin aqoniyasını uzadacaq", - rusiyalı ekspert diplomat vurğulayıb.

"Daha şiddətli hərbi qarşıdurmaya çağıran aqressiv bəyanatlar təkcə regional deyil, həm də qlobal təhlükəsizlik üçün ciddi nəticələrə gətirib çıxarır. Bu hərəkətlərə görə tarixi məsuliyyət tamamilə ABŞ-nin üzərinə düşəcək", - Antonov qeyd edib.

"Diqqətəlayiqdir ki, amerikalılar özləri də etiraf edirlər ki, Vaşinqton Rusiyaya qarşı hibrid müharibə apararaq, Rusiya Silahlı Qüvvələrinə qarşı cəbhəyə müasir Qərb silahlarını ataraq 50 dövləti öz ətrafında birləşdirə bilib. Bizim rəqiblərimizin vəzifəsi dəyişməyib - Rusiya Federasiyasını döyüş meydanında məğlub etmək, çoxsaylı məhdudiyyətlərlə iqtisadi məğlubiyyətə uğratmaq, həmçinin cəmiyyəti parçalamaq” - səfir bildirib.

"Bütün səylərə baxmayaraq, nəticə əksinədir. Son bir ildə Rusiya fokuslanıb, daha monolit olub, Silahlı Qüvvələrin effektivliyi və döyüş hazırlığı kəskin şəkildə artıb. Rusiyanın təhlükəsizliyinə hər hansı müdaxiləyə qətiyyətli cavab olacaq və rəşadətli Silahlı Qüvvələrimiz Vətənin müdafiəsi üçün üzərinə düşən vəzifəni yerinə yetirəcək", - Antonov əlavə edib.

Firuzə Əliyeva