“Ermənistanla sülh müqaviləsi bu tarixdə imzalana bilər” - AÇIQLAMA
Siyasət
10:50 / 28.12.2023
4420
“Azərbaycanla Ermənistan arasında sülh sazişinin gələn ilin birinci yarısında imzalanması ehtimalı yüksəkdir”.
Sfera.az bildirir ki, bunu politoloq Elxan Şahinoğlu deyib. O qeyd edib ki, sülh sazişi iki ölkə arasında bütün problemləri həll etməyəcək.
“Sülh sazişnin fəlsəfəsi iki ölkənin bir-birinin ərazi bütövlüyünü tanımasıdır. Sərhədin müəyyənləşməsi və dəhliz məsələsi sülh sazişinin xaricində qalacaq”, deyə E.Şahinoğlu bildirib.
Ekspertin sözlərinə görə, bunlar sonrakı danışıqlar predmetidir: “Tərəflər sülh sazişinin imzalanmasına nə qədər yaxındırlarsa, sərhədlərin müəyyənləşməsi və kommunikasiya xətlərinin açılması mövzularına vaxt daha çox sərf olunacaq”.
Günay