Kolorado ştatının ali məhkəməsinin qərarı ictimai müzakirələrə səbəb olub.

Sfera.az xəbər verir ki, Kolorado Ali Məhkəməsi böyük səs çoxluğu ilə Trampın gələn il keçiriləcək prezident seçkilərində Kolorado ştatında bülletendə ola bilməyəcəyinə qərar verib.

Qərara görə, respublikaçı namizədlərin yarışacağı, 5 mart 2024-cü ildə Koloradoda keçiriləcək ilkin seçkilərdə Trampın adı bülletenlərdə olmayacaq.

Məhkəmə bu qərarın verilməsinə Trampın 2021-ci il yanvarın 6-da Konqresə basqın zamanı hərəkətlərinin Konstitusiyanın 14-cü maddəsinin 3-cü bəndinə uyğun olaraq "üsyan" maddəsi kimi müəyyən edilməsini əsas gətirib.

Konstitusiyanın “üsyan” maddəsi ilə namizədin prezident seçkilərində iştirak edə bilməməsi ABŞ tarixində ilk dəfədir.

Sözügedən bənddə deyilir ki, “federal və ya əyalət rəsmisi dövlətə qarşı üsyan və ya qiyamda iştirak edə bilməz və dövlətin düşmənlərinə kömək edə bilməz”

Trampın ABŞ Ali Məhkəməsinə şikayət edəcəyi gözlənilir. Yekun qərar orada veriləcək.

Firuzə Əliyeva