Ağ Ev Milli Təhlükəsizlik Şurasının Strateji Kommunikasiyalar Koordinatoru Con Kirbi onlayn mətbuat konfransında Qəzza və İsraildəki son vəziyyətlə bağlı verilən sualları cavablandırıb.

Sfera.az xəbər verir ki, Kibri qarşıdurmanın aylarla davam edə biləcəyini, İsrailə verdikləri dəstəyin davam edəcəyini, lakin İsrail qüvvələrinin mülki insanları hədəf almamaq üçün daha diqqətli olmasının lazım olduğunu bildirib.

Kirbi Sallivanın bu məsələni israilli həmsöhbətlərinə açıq şəkildə ifadə etdiyini bildirərək Qəzzada mümkün idarəetmə alternativləri məsələsinin də Sallivanın gündəmində olduğunu bildirib. Hələlik bu istiqamətdə aparılan danışıqlardan konkret nəticənin olmadığını bildirən Kirbi Fələstin rəhbərliyi də daxil olmaqla, müvafiq şəxslərlə görüşməyə davam edəcəklərini bildirib.

İsrail qüvvələrinin 3 israilli girovu öldürməsi ilə bağlı sualı cavablandıran Kirbi bunun faciəvi səhv olduğunu, lakin əməliyyatla bağlı onların ətraflı məlumatının olmadığını bildirib.

Əl-Cəzirə fotomüxbirinin İsrail qüvvələri tərəfindən öldürüldüyünü xatırladan Kirbi jurnalistlərin heç bir şəkildə hədəfə alınmamalı olduğunu bildirib. 7 oktyabrdan bəri ən az 90 jurnalistin öldüyü məsələ ilə bağlı Kirbi "Onların (İsrailin) qəsdən jurnalistləri hədəf aldıqlarına dair heç bir sübutumuz yoxdur" - sözlərini yekunlaşdırıb.

Firuzə Əliyeva