“Müzakirələrə nöqtə qoyuldu” – Politoloqdan BMT dinləmələri ilə bağlı AÇIQLAMA

“BMT-dəki son dinləmələrdən sonra Qarabağdakı ermənilərin Azəbaycana reinteqrasiyasına mane olacaq beynəlxalq amil qalmadı”.

Bunu Sfera.az-a açıqlamasında politoloq Natiq Miri bildirib. Ekspert ötən gün BMT Təhlükəsizlik Şurasında Qarabağla bağlı keçirilmiş dinləmələrin müsbət nəticə verəcəyini qeyd edib:

“Antiterror əməliyyatında beynəlxalq humanitar hüquqa zidd hansısa hal baş vermədi. Yəni mülki şəxslərin atəşə tutulması, insan hüquqlarının tapdanması kimi hallar yaşanmadığı üçün Azərbaycan əleyhinə hansısa qətanmə qəbul edilə bilməz. Ötən gün Ermənistanın Baş naziri Qarabağdakı ermənilərin dediklərini, xüsusilə Ermənistanda olan revanşist qüvvələrin ittihamlarını təkzib etdi. O bildirdi ki, Qarabağada mülki şəxslər zərər görməyib. Bu arqument də Azərbaycan XİN rəhbəri Ceyhun Bayramovun əlində ən kəskin sübut oldu. Bununla da müzakirələrə nöqtə qoyulub. Ayrıca olaraq, müzakirələrdən razı qalmayan Ermənistan XİN rəhbəri Ararat Mirzoyan dünya dövlətlərinin mövqeyinə əsəbiləşərək zalı tərk etdi”.

Politoloq son müzakirələrin Ermənistan üçün məğlubiyyət olduğunu diqqətə çatdırıb:

“Azərbaycan növbəti dəfə öz gücün göstərdi və əleyhinə hansısa qərar qəbul edilmədi. Bu, siyasi nöqteyi- nəzərdən Ermənistan üçün böyük məğlubiyyətdir. Eyni zamanda artıq aydın oldu ki, Qarabağdakı ermənilərin Azərbaycana reinteqrasiyasına mane ola biləcək beynəlxalq amil yoxdur.  Bundan sonra proseslər Azərbaycanın istədiyi kimi davam edəcək”.

Əzizə Zeynal