Hakan Fidan Lavrovla hansı məsələləri müzakirə edəcəklər? – Gündəlik açıqlandı
Rusiya və Türkiyənin xarici işlər nazirləri Sergey Lavrov və Hakan Fidan digər məsələlərlə yanaşı, Türkiyə-Ermənistan münasibətlərinin nizamlanması mövzusunu da müzakirə edəcəklər.
Sfera.az xəbər verir ki, bu barədə Rusiya Xarici İşlər Nazirliyinin bəyanatında deyilir.
“Cənubi Qafqazda əməkdaşlığın dərinləşdirilməsi, o cümlədən Ermənistan və Türkiyə arasında münasibətlərin normallaşması prosesinin bərpası, nəqliyyat və kommunikasiyalar blokunun açılması, münaqişədən sonra regionun bərpası məsələlərinin hərtərəfli təhlili planlaşdırılır”, - məlumatda bildirilir.
Qeyd edək ki, sentyabrın 1-də Rusiya xarici işlər nazirinin dəvəti ilə Türkiyənin xarici işlər naziri ikitərəfli və beynəlxalq gündəliyin geniş spektri üzrə danışıqlarda iştirak etmək üçün Moskvaya işgüzar səfərə gedəcək. Bu, H.Fidanın Türkiyə xarici işlər naziri kimi Rusiyaya ilk səfəridir.
Əzizə
