Mehriban Əliyeva uşaqlarla attraksionda - FOTOLAR
Siyasət
09:25 / 25.12.2015
2887
Heydər Əliyev Fondunun təşəbbüsü ilə uşaqlar üçün növbəti şənlik təşkil olunub.
Sfera.az-ın Azərtac-a istinadən məlumatına görə, Azərbaycanın birinci xanımı, Fondun prezidenti Mehriban Əliyeva şənlikdə iştirak edib.
Budəfəki şənliyə Bakı şəhərindəki müxtəlif uşaq evlərindən xüsusi qayğıya ehtiyacı olan 200-dək uşaq qatılıb.
Aksiyada balacalar müxtəlif maraqlı attraksionlarda əyləniblər, oyunlarda iştirak ediblər. Mehriban Əliyeva da uşaqların əyləncəsinə qoşulub, müxtəlif oyunlarda qazandıqları qələbələri alqışlayıb. O, uşaqlarla söhbət edərək şəkil çəkdirib.
Şənliyin sonunda uşaqlara Heydər Əliyev Fondunun hədiyyələri təqdim edilib.
