“Paşinyanın həyatı da, hakimiyyəti də təhlükə altındadır” - ŞƏRH

“Ermənistan Baş naziri Nikol Paşinyan ikili oynayır. O sülhdən danışsa da, həm də vaxtı uzatmağa çalışır”.

Bunu Sfera.az-a açıqlamasında siyasi şərhçi Kənan Novruzov son zamanlar Ermənistan hərbi təxribatlarının intensivləşməsinə münasibət bildirərkən deyib. Ekspert Nikola hərtərəfli təzyiqin göstərildiyini iddia edir:

“Baş nazirin nəinki hakimiyyəti, həyatı da təhlükə altındadır. Bunun əsas səbəbkarı isə Paşinyan özüdür. Onun “sürüşkən” xarici siyasəti, gah nala, gah mıxa vurması çətinlik yaradır. Nikolun üzləşdiyi siyasi təhdidlər, onun üçün yaranan risklər bizim üçün əhəmiyyətli deyil. Azərbaycanın prioriteti suveren ərazilərində təhlükəsizliyi təmin etmək, yekun sülh sazişinə nail olmaqdır. Davamlı sabotajlar isə buna mane olur”.

K.Novruzov rəsmi Bakının çox gözləməyəcəyini bildirib: “Davam edən təxribatlar Azərbaycanın maraqlarına zidddir. Oxşar addımlar səngiməsə, Azərbaycanın növbəti hərbi əməliyyatlara başlaması və düşmənə tutarlı zərbələr endirməsi qaçılmaz olacaq”.

Türkan