Rusiyadan digər ölkələrə TƏKLİF: "Hərbi əməkdaşlığı..."

Rusiya digər ölkələrlə hərbi əməkdaşlığı inkişaf etdirməyi, o cümlədən birgə hərbi təlimlər keçirməyi təklif edib.

Sfera.az xəbər verir ki, bu barədə Rusiya Prezidenti Vladimir Putin “Ordu-2023” forumunun iştirakçılarına təbrik müraciətində bildirib.

“Biz müxtəlif sahələrdə əməkdaşlığı inkişaf etdirməyi təklif edirik. O cümlədən, şəxsi heyətin, əcnəbi hərbçilərin hazırlanması və onların bacarıqlarının artırılması, birgə komanda qərargahı və digər təlimlərin keçirilməsi ilə bağlı fikirlərimiz var. Və biz gözləyirik ki, əvvəllər olduğu kimi, konfrans çərçivəsində də mühüm müqavilələr imzalanacaq, sazişlər, ixrac müqavilələri olacaq”, - dövlət başçısı qeyd edib.

O, konfransın keçirilməsinin inkişaf etməkdə olan çoxqütblü dünyada təhlükəsizlik və sabitliyin xeyrinə hərbi və hərbi-texniki tərəfdaşlığı gücləndirəcəyinə əminliyini ifadə edib.

Qeyd edək ki, Rusiyada avqustun 14-dən 20-dək “Patriot” konqres-sərgi mərkəzində, “Alabino” poliqonunda və “Kubinka” hava limanında “Ordu-2023” beynəlxalq hərbi-texniki forumu keçirilir. Sərgidə və işgüzar proqramda Rusiyanın hərbi-sənaye kompleksinin 1500-ə yaxın aparıcı müəssisəsi iştirak edəcək.

Konfransda 7 ölkədən 85 xarici şirkət və təşkilatın iştirakı gözlənilir.Forumun təşkilatçısı Rusiya Müdafiə Nazirliyidir. 

İnci