\"Putin Priqojinlə bağlı vaxt qazanmağa çalışır, çünki...\" - ABŞ

“Putin “Vaqner” muzdlu şirkətinin rəhbəri Yevgeni Proqojinlə nə edəcəyini düşünərkən vaxt qazanmağa çalışır”.

Sfera.az bildirir ki, bunu ABŞ Mərkəzi Kəşfiyyat İdarəsinin (MKİ) direktoru Uilyam Börns deyib.

O qeyd edib ki, sonuncu üsyan Putinin qurduğu güc sistemində əhəmiyyətli zəiflikləri nümayiş etdirib.

Börnsün sözlərinə görə, Rusiya lideri hələ də Priqojindən qisas almaq istəyə bilər:

"Putin ümumiyyətlə intiqamın ən yaxşı soyuq yemək olduğunu düşünən biridir. Təcrübəmə görə, Rusiya prezidentinin intiqamçı ruhu güclüdür. Buna görə də Priqojin əlavə cəzadan xilas ola bilsə, təəccüblənərdim”.

Günay Rəsulqızı