““Vaqner Qrupu” muzdluları öz liderləri Yevgeni Priqojinin ardınca gəlsələr, Belarusdan Kiyevə yenidən hücum baş verə bilər”.

Sfera.az bildirir ki, bunu Böyük Britaniya Baş Qərargahının keçmiş rəisi Lord Dannatt deyib. O, bu barədə “Sky News”a danışıb.

“Priqojin və “Vaqner” qrupunun sonu budurmu? Onun Belarusa getməsi, məncə, müəyyən narahatlıq doğurur. Bilmədiyimiz, yaxın saatlarda və günlərdə kəşf edəcəyimiz şey neçə döyüşçünün onunla getdiyidir. Əgər o, Belarusa gedibsə və ətrafında effektiv döyüş qüvvəsi saxlayıbsa, o zaman bu, Ukrayna üçün yeni təhdiddir”, - o söyləyib.

Sabiq rəis baş verənlərin uzun müddət əks-səda verəcəyi barədə xəbərdarlıq edib: “Ukrayna bunu çox diqqətlə izləməli və Belarus istiqamətindən yenidən hücumu dəf edə biləcək bəzi manevr hissələrinə sahib olduqlarına əmin olmalıdırlar”. 

Günay Rəsulqızı