“Gələn həftə Ermənistan və Azərbaycan Xarici İşlər nazirləri arasında danışıqlar aparılacaq”.

Sfera.az bildirir ki, bunu Ermənistanın baş naziri Nikol Paşinyan Nazirlər Kabinetinin iclasında deyib. Onun sözlərinə görə, görüş Vaşinqtonda baş tutacaq. Paşinyan qeyd edib ki, sülhün əldə olunması və müqavilənin imzalanması üçün bütün səylər göstərilməlidir.

Ermənistanın baş naziri görüşün dəqiq tarixini açıqlamayıb.

Xatırladaq ki, iyunun ortalarında XİN başçılarının Vaşinqtonda keçirilməsi planlaşdırılan görüşü təxirə salınıb.

“Azərbaycan və Ermənistan xarici işlər nazirləri arasında növbəti görüşün dəqiq tarixlərinin müəyyənləşdirilməsi istiqamətində iş aparılır”, deyə XİN-in sözçüsü Ayxan Hacızadə deyib.

Günay Rəsulqızı