Rusiya Türkiyə və Suriya üçün “yol xəritəsi” layihəsi hazırlayıb
Moskva iki tərəf arasında münasibətlərin normallaşdırılması üçün hazırladığı “yol xəritəsi” layihəsini Ankara və Dəməşqə təhvil verib.
Sfera.az xəbər verir ki, bunu "RİA Novosti"yə müsahibəsində Rusiya Federasiyası prezidentinin Suriya üzrə xüsusi nümayəndəsi Aleksandr Lavrentyev deyib.
"Dörd ölkənin xarici işlər nazirlərinin görüşündən sonra Rusiya tərəfi layihənin əlavə təsdiq üçün hazırlanmasını öz üzərinə götürüb. Belə bir layihə var, o, maraqlı tərəflərə verilib" - Lavrentyev bildirib.
Rusiya Federasiyası Prezidentinin xüsusi nümayəndəsi əlavə edib ki, layihəyə bəzi düzəlişlər edilə bilər, lakin konsepsiyanın özü qəbul edilib.
Qeyd edək ki, mayın 10-da Moskvada keçirilən görüşdən sonra Rusiya, Türkiyə, Suriya və İranın xarici işlər nazirləri yol xəritəsi layihəsinin hazırlanması barədə göstəriş veriblər. İyunun 20-də isə Astanada Rusiya, Türkiyə, Suriya və İran xarici işlər nazirlərinin müavinlərinin görüşü keçirilib və bu məsələyə baxılıb.
İnci
