ABŞ tezliklə Azərbaycan və Ermənistan arasında sülh danışıqlarının yeni mərhələsinə ev sahibliyi edəcək. 

Sfera.az xəbər verir ki, bu barədə ABŞ Dövlət Departamentinin mətbuat xidmətinin rəhbərinin müavini Vedant Patel brifinqdə məlumat verib.

“Tərəflər Cənubi Qafqaz regionunda sülhə səy göstərməkdə davam etdiyi üçün Vaşinqtonda danışıqların növbəti mərhələsinə ev sahibliyi etməyi səbirsizliklə gözləyirik. Biz inanırıq ki, birbaşa dialoq problemlərin həlli və sülhə nail olmaq üçün açardır”, - ABŞ Xarici İşlər Nazirliyinin nümayəndəsi bildirib.

Rusiyanın bu məsələdə vasitəçilik səylərindən danışan Patel deyib:

“Əgər Rusiya bu məsələdə konstruktiv rol oynaya biləcəyini düşünürsə, təbii ki, bunu etməkdə sərbəstdir. Amma biz hesab edirik ki, danışıqlar irəliləyir, ABŞ bu işdə mühüm tərəfdaş olub və dövlət katibi Entoni Blinken bununla şəxsən məşğuldur”.

Əzizə