"Kreml əmindir ki, Çin digər ölkələrlə münasibətlər quraraq öz suveren hüquqlarından istifadə edir, o, Rusiya Federasiyasının əleyhinə getməyəcək".

Sfera.az xəbər verir ki, bunu Rusiya prezidentinin mətbuat katibi Dmitri Peskov ABŞ dövlət katibi Entoni Blinkenlə Çin sədri Si Cinpin arasında baş tutan görüşü dəyərləndirərkən deyib.

 "Çin digər ölkələrlə münasibətlər qurmaq üçün suveren hüquqlarından istifadə edir", - o qeyd edib.

Eyni zamanda, Kreml Çin hakimiyyətinin Moskvaya qarşı çıxmaq üçün heç kimlə birləşməyəcəyinə əmindir.

Qeyd edək ki, iyunun 18-19-da Blinken Pekində səfərdə olub və Çin rəhbərliyinin nümayəndələri, o cümlədən Çinin xarici işlər naziri Qin Qanq ilə görüşüb. Bu, ABŞ Dövlət Departamenti rəhbərinin 2018-ci ilin oktyabrından bəri Çinə ilk səfəridir.

İnci