“NATO liderləri iyulun ortalarında Vilnüsdə keçiriləcək sammitdə Ukraynanı alyansa üzv olmaq üçün dəvət etməyəcəklər”.

Sfera.az “The Guardian”a istinadən bildirir ki, bunu NATO-nun baş katibi Yens Stoltenberq deyib. O, Berlində Almaniya kansleri Olaf Şoltsla görüşdən sonra jurnalistlərə açıqlama verib.  Qurum rəhbəri əlavə edib ki, liderlər Ukraynanı alyansa yaxınlaşdırma yollarından danışacaqlar.

Digər tərəfdən vurğulanıb ki, alyansın bütün üzvləri uzun müddətdir, Ukraynanın müharibənin ortasında NATO-ya üzv ola bilməyəcəyini qəbul edib. “Lakin Baltikyanı ölkələr və Polşanın dəstəklədiyi Kiyev münaqişə sona çatdıqdan sonra onun qoşula biləcəyi tarix və ya vaxt cədvəlini istəyir”, - “The Guardian” qeyd edib.

Almaniya kansleri Olaf Şolts isə bildirib ki, Almaniya Ukraynadakı müharibənin hələ bir müddət davam edə biləcəyi ehtimalına hazırdır: “Biz buna hazırlaşırıq və siyasətimizi buna əsaslanaraq qururuq. Almaniya lazım olduğu müddətdə Ukraynanı dəstəkləməyə davam edəcək”.

Türkan