“Dünyada 3 fövqəldövlət var” – ABŞ-nin baş qərargah rəisi
“SSRİ-nin dağılmasından sonra ABŞ bir müddət yeganə fövqəldövlət olub, lakin sonradan Rusiya və Çin də bu statusu qazanıb”.
Sfera.az xəbər verir ki, bunu ABŞ-nin Birləşmiş Qərargah Rəisləri Komitəsinin sədri, general Mark Milli Milli Müdafiə Universitetində (MDU) məzunlar qarşısında çıxışı zamanı deyib.
O söyləyib ki, Rusiya, ABŞ və Çinin fövqəldövlət olması getdikcə daha aydın görünür: “Getdikcə daha aydın olur ki, biz həqiqətən də ən azı üç fövqəldövlətin - ABŞ, Çin və Rusiyanın olduğu çoxqütblü beynəlxalq mühitdəyik. Bu səbəbdən qarşıdakı onilliklərdə dünya çox ciddi problemlər və böhranlarla qarşılaşacaq. Bəzi dövlətlər öz regionlarında getdikcə daha əhəmiyyətli rol oynayırlar”.
Milli qeyd edib ki, regionlarında əhəmiyyətli rol oynayan digər ölkələr də bir müddət sonra fövqəldövlət statusuna iddia etməyə başlayacaqlar.
Vasif
