Türkiyədəki seçkilərdən sonra yeni Nazirlər Kabinetinin üzvləri müzakirə mövzusu olub.

Sfera.az bildirir ki, bu istiqamətdə bir sıra iddialar səsləndirilib. Səhiyyə naziri Fahrettin Koca, Mədəniyyət və Turizm Naziri Mehmet Nuri Ersoydan başqa hazırkı kabinetdən bütün adlar millət vəkili seçildiyi üçün prezident Ərdoğanın yeni simalarla yoluna davam etməsi gözlənilir.

Türkiyə Konstitusiyaya görə, deputatlar nazir ola bilməz, kabinetə təyin olunacaq adlar parlamentdən kənarda seçilir. İstanbuldan millət vəkili seçilən Süleyman Soylunun yerinə Daxili İşlər Nazirliyindəki vəzifə üçün fərqli adlar səsləndirilir. AK Partiyada Soylunun deputatlıqdan istefa verərək nazir kürsüsünə keçməsi ehtimalı hələ də tam istisna edilmir. Bununla belə, Ərdoğanın Soylunu seçməyəcəyi halda, ən güvəndiyi adlardan birinin 2014-cü ildən Milli Təhlükəsizlik Şurasının baş katibi olan Seyfullah Hacımüftüoğlu olduğu vurğulanır.

Bildirilib ki, yeni prezidentlik dövründə ən kritik yerlərdən biri Xəzinə və Maliyyə Nazirliyi olacaq. Medianın məlumatına görə, Rəcəp Tayyip Ərdoğan yenidən keçmiş xəzinə və maliyyə naziri Mehmet Şimşəkdən yararlanmaq istəyir. Həmçinin, deputat olmayan səhiyyə nazirinin vəzifəsini icra etməyəcəyi iddia edilib. Ərdoğanın Ankara Universitetinin rektoru vəzifəsində çalışan Səhiyyə Komissiyasının keçmiş rəhbəri Necdət Ünüvara üstünlük verə biləcəyi irəli sürülüb. İddialara görə,  Türkiyə prezidenti millət vəkili seçilən milli müdafiə naziri Hulusi Akarın istefa verməsini tələb edəcək.  Ehtimallara görə, onun yerinə hazırkı Baş Qərargah rəisi Yaşar Güləri seçiləcək.

Günay Rəsulqızı