"Rusiya ilə müharibəyə girmək üçün Türkiyənin..." - Baydenin Ərdoğanı təbrikinin PƏRDƏARXASI
Türkiyənin yenidən seçilmiş Prezidenti Rəcəb Tayyib Ərdoğandan NATO çərçivəsində əməkdaşlıq gözlənilir.
Sfera.az xəbər verir ki, ABŞ Prezidenti Cozef Bayden Ərdoğanı seçkilərdə qazandığı qələbə münasibətilə təbrik edərkən belə bir açıqlama verib.
“Türkiyə Prezidenti Rəcəb Tayyib Ərdoğanı yenidən prezident seçilməsi münasibətilə təbrik edirəm. Mən NATO müttəfiqləri kimi ikitərəfli siyasət və ümumi qlobal çağırışlar üzrə gələcək əməkdaşlığı səbirsizliklə gözləyirəm”, - Bayden Tvitter səhifəsində yazıb.
Türkiyəli analitik Berjan Tutaryu qeyd edib ki, hərbi-siyasi alyans Rusiya ilə genişmiqyaslı hərbi münaqişəyə başlamaq üçün Türkiyənin razılığını almağa çalışacaq. O, əmin edib ki, alyans Rusiya ilə müharibəyə girmək üçün fəaliyyət planı hazırlayıb.
Eyni zamanda, Türkiyə prezidenti Rəcəb Tayyib Ərdoğanın mətbuat katibi İbrahim Kalının sözlərinə görə, Ukrayna Rusiya ilə münaqişədə uduzacaq və Donbass ərazisinə nəzarət edə bilməyəcək.
Əzizə Zeynal