"Ermənistan ölkəmizə qarşı mina terrorunu sistemli şəkildə davam etdirir. Ötən əsrin 90-cı illərindən bu yana 3300 vətəndaşımız mina terrorunun qurbanı olub".

Sfera.az xəbər verir ki, bunu Milli Məclisin bu gün keçirilən plenar iclasında deputat Elşad Mirbəşir bildirib.

Millət vəkili diplomatik nümayəndəliklərə çağırış edib:

"Təkcə ötən həftə 4 vətəndaşımız minanın qurbanı olub. Bütün bunlar göstərir ki, Ermənistan sülhə qarşı laqeydlik göstərir. Aprelin 28-i erməni terroru 3 Azərbaycan vətəndaşının həyatına son qoydu.  Bu məsələyə ölkəmizdəki səfirliklərin bir çoxu reaksiya verdi. Bu gün də biz analoji yanaşmanı görürük. Ermənistanın mina terroru nəticəsində Azərbaycan vətəndaşları həyatını itiridiyi halda çağırış olmalıdır ki, mina terroru kim tərəfindən törədilib. Buna görə Azərbaycanın diplomatik nümayəndələrinə çağırış etmək lazımdır. Hesab edirəm ki beynəlxalq təşkilatların mina terroruna qarşı fəaliyyət göstərmək istəyi varsa, Ermənistana qarşı xüsusi tədbir görülməlidir".

Əzizə Zeynal