\"Vahid Əhmədov özü bu büdcəyə səs verdiyi halda...\" - Millət vəkili Mahir Abbaszadə
"Biz müstəqillik əldə etdikdən sonra Azərbaycan bu il özünün ən böyük büdcəsini qəbul edib. Vahid Əhmədov özü bu büdcəyə səs verdiyi halda Azərbaycanda sosial vəziyyətin ağır olduğunu deyib".
Sfera.az xəbər verir ki, bunu Milli Məclisin plenar iclasında deputat Mahir Abbaszadə deyib.
Millət vəkili həmkarının müsahibəsində söylədiyi fikirlərlə razı olmadığını qeyd edib:
"90-cı illərdə AXC-nin hakimiyyyət uğrunda apardığı mübarizə Şuşanın itirilməsi ilə nəticələndi. 92-ci ildə Yeni Azərbaycan Partiyasının yaradılması, İlham Əliyevin rəhbərliyi ilə 44 günlük müharibədə işğal olunmuş torpaqların geri qaytarılması ilə Azərbaycana xəyanət edən partiyanın müqayisəsinin aparılması qəbuledilməzdir. Biz Laçına post qoyulması ilə sərhədlərimizin təhlükəsizliyini təminatını həyata keçiririk. Pozulmuş hüquqları geri qaytaran Prezident İlham Əliyev və YAP-dır. Vahid Əhmədovun fikirləri qəbuledilməzdir".
Əzizə Zeynal
