Rusiya Təhlükəsizlik Şurasının sədr müavini Dmitri Medvedev Seulun Kiyevə hərbi yardım göstərmək qərarına reaksiya verib. 

Sfera.az bildirir ki, o, bu barədə teleqram kanalında yazıb.

“Düşmənlərimizə kömək etmək istəyən yeni ölkələr var. Cənubi Koreya Prezidenti Yun Sok Yeol bildirib ki, Kiyev rejimini silahla təchiz etməyə hazırdır. Maraqlıdır, bu ölkənin sakinləri ən yaxın qonşularından – Şimali Koreyadan olan tərəfdaşlarımızdan Rusiya silahlarının ən son nümunələrini görəndə nə deyəcəklər?”-  Medvedev qeyd edib.

Xatırladaq ki, bundan əvvəl Cənubi Koreya Prezidenti Yun Sok Yeolun Kiyevə hərbi dəstək göndərilməsinə icazə verdiyi məlum olub. Onun sözlərinə görə, bu, mülki əhaliyə genişmiqyaslı hücum olduqda baş verəcək.

Günay Rəsulqızı