Netanyahu İsraildə İran şahzadəsi Rza Pəhləvini QƏBUL ETDİ
İsrailin Baş naziri Benyamin Netanyahu Rza Pəhləvi ilə görüşüb.
Sfera.az xəbər verir ki, İsrail Kəşfiyyat Nazirliyindən verilən yazılı açıqlamaya görə, son İran şahı Məhəmməd Rza Pəhləvinin oğlu, sürgündəki şahzadə Rza Pəhləvi Holokostu anım tədbirləri çərçivəsində İsrailə gədib.
Netanyahu Qərbi Qüdsdəki Yad Vaşem Holokost Muzeyində anım mərasimlərinə qatılan Pəhləvi ilə görüşüb. İsrailin Kəşfiyyat naziri Gila Gamlieli görüşdən şəkillər paylaşıb. Görüşün məzmunu ilə bağlı əlavə məlumat verilməyib.
Nazirlikdən verilən açıqlamada bildirilir ki, sürgündə olan Pəhləvinin səfəri “İrandan İsrailə ən yüksək səviyyəli səfərdir”.
Qeyd edək ki, İranın devrilmiş şahı Məhəmməd Rza Pəhləvinin oğlu şahzadə Rza Pəhləvi Vaşinqtonda yaşayır və qərbyönlü mövqeyi ilə tanınır.
Əzizə