"Ukrayna mövcud deyil, Avropa milyardlarla dollar xərcləyir, bu, hara qədər gedəcək?" - Avropalı nazir
Siyasət
13:55 / 14.04.2023
3512
“Ukrayna maliyyə cəhətdən mövcud olmayan ölkədir”.
Sfera.az bildirir ki, bunu Macarıstanın baş naziri Viktor Orban deyib.
O əlavə edib ki, Avropa və ABŞ Ukraynaya dəstəyi dayandırsa, münaqişə dərhal sona çatacaq. “Avropa bu ölkəyə on milyardlarla dollar xərcləyir. Bu, sonsuza qədər davam edə bilməz”, - deyə baş nazir əlavə edib.
Sözügedən açıqlamaya Rusiya Təhlükəsizlik Şurasının sədr müavini Dmitri Medvedev də reaksiya verib. O, yenidən Ukraynanın məhv olacağını bildirib. O, bu barədə “Telegram” hesabında paylaşım edib:
“Bu açıqlama avropalı bir siyasətçi üçün cəsarətlə və dəqiq deyilən bir şeydir. Bircə onu əlavə etmək olar ki, qərb maliyyələşdirməsi bitən kimi Ukraynanın özü də bitəcək”.
Günay Rəsulqızı