Britaniya səfiri Ermənistanda işgəncə verilən əsgərimizdən yazdı: "O videonu..."
Böyük Britaniyanın Azərbaycandakı səfiri Fergus Auld Azərbaycan əsgərinə qarşı edilən zorakılığı pisləyib.
Sfera.az xəbər verir ki, bu barədə o, Tvitter hesabında paylaşım edib.
"Azərbaycan əsgərinə qarşı edilən zorakılıqla bağlı yayılmış videonu izləmək dəhşətlidir. Beynəlxalq humanitar hüquq qanunlarına görə bu cür rəftar yolverilməzdir. Regionda dayanıqlı sülhə nail olmaq üçün bu kimi hallar pislənməlidir", - səfir qeyd edib.
Xatırladaq ki, bir neçə gün əvvəl Naxçıvan Muxtar Respublikasının Şahbuz rayonunun Ermənistanla sərhədboyu ərazisində Azərbaycan ordusunun itkin düşmüş əsgərləri - 2004-cü il təvəllüdlü Bəbirov Aqşin Qabil oğlu və 2003-cü il təvəllüdlü Axundov Hüseyn Əhliman oğlu Ermənistan tərəfindən əsir götürülüb. Sosial şəbəkələrdə yayılan görüntülərdən əsir götürülmüş əsgər Axundov Hüseynin Ermənistanda fiziki zorakılığa məruz qaldığı görülür.
Əzizə Zeynal
