İranın Azərbaycandakı səfiri dəyişdiriləcək? – Tehrandan rəsmi açıqlama
Tehran xarici işlər nazirləri Ceyhun Bayramov və Hüseyn Əmir Abdullahian arasındakı son telefon danışığını müsbət qiymətləndirir.
Sfera.az İranın "Mehr" agentliyinə istinadən xəbər verir ki, bunu İran Xarici İşlər Nazirliyinin sözçüsü Nasir Kənani deyib.
İranın Bakıdakı səfirinin dəyişdirilməsi ilə bağlı məlumatlara gəlincə, Kənani deyib ki, diplomatik işçilərin rotasiyası adi haldır. Sözçü iddia edib ki, İran həmişə siyasi dialoqun zəruriliyini vurğulayıb və pərdə arxasında mübahisəli məsələlərdən qaçmağa üstünlük verib. Onun sözlərinə görə, gərginliyə baxmayaraq, Tehran dialoq yolu ilə anlaşılmazlıqları aradan qaldırmağa çalışıb.
"İran regionda qonşu ölkə kimi Azərbaycanla münasibətlərinə önəm verir. Mən Azərbaycanı ümumi maraqlara diqqət yetirməyə və öz qeyri-qanuni maraqlarını reallaşdırmaq istəyən, regional və qonşu ölkələr arasında fikir ayrılığı və gərginlik yaradan ölkələrin hər hansı sui-istifadəsinə yol verməməyə çağırıram", - Kənani deyib.
Əzizə