Rusiya, İran, Suriya və Türkiyə XİN başçıları Moskvada görüşə bilər
Rusiya, İran, Suriya və Türkiyə xarici işlər nazirlərinin Ankara ilə Dəməşq arasında münasibətlərin normallaşdırılmasına dair görüşü Moskvada baş tuta bilər.
Sfera.az xəbər verir ki, bunu Türkiyənin xarici işlər naziri Mövlud Çavuşoğlu bildirib.
"Moskvada dörd ölkənin xarici işlər nazirlərinin müavinləri səviyyəsində nümayəndə heyətlərinin görüşü yüksək səviyyəli diplomatlar səviyyəsində görüşün hazırlanmasına həsr olunub. Qarşıdakı müddətdə bu görüş Moskvada keçirilə bilər, biz gözləyirik”, - Türkiyənin baş diplomatı deyib.
Daha əvvəl Rusiya Xarici İşlər Nazirliyi bildirmişdi ki, Rusiya, İran, Suriya və Türkiyənin yüksək rütbəli diplomatları aprelin 3-4-də Moskvada məsləhətləşmələr zamanı dördtərəfli nazirlər görüşünün planını müzakirə ediblər.
Xatırladaq ki, 28 dekabr 2022-ci ildə Moskvada Ankara ilə Dəməşq arasında münasibətlərin normallaşdırılması səyləri çərçivəsində Rusiya, Suriya və Türkiyə müdafiə nazirləri arasında məsləhətləşmələr keçirilib. Görüş iştirakçıları üçtərəfli komissiyanın yaradılması barədə razılığa gəliblər.
Əzizə