Daha bir erməni saxtakarlığı: Şuşadakı kilsə - FOTOLAR
“Tarixi saxtakarlığa dair faktlar nədənsə qulaqardına vurulur”.
Sfera.az bildirir ki, bunu deputat Elnur Allahverdiyev erməni “Telegram” kanallarında paylaşılan Şuşa fotoları ilə bağlı fikirlərini bölüşərkən deyib.
“Onların yazdıqlarına görə, foto 1920-ci ilə aiddir. Burada görünən Şuşadakı Qazançı kilsəsidir. Sözügedən kilsənin tarixi görünüşü pravoslav üslubundadır. 1992-ci ilin mayında Şuşa erməni terrorçu qruplaşmaları tərəfindən işğal edilib yandırılanda da məbəd pravoslav kilsə memarlığına malik olub. Yeri gəlmişkən, kilsənin önündə duranlar Azərbaycan torpaqlarının işğalında iştirak etmiş və sonradan "rəsmi şəxslər"ə çevrilmiş terrorçulardır. 28 illik işğal dövründə isə Qazançı məbədi erməni-qriqoryan tərzdə "inşa edilmiş" kilsəyə transformasiya olunub . Azərbaycanın tarixi abidəyə əvvəlki görkəmini qaytarmaq tədbirləri Ermənistan və dostları tərəfindən "erməni irsinin dağıdılması" kimi qələmə verilir”, deyə millət vəkili bildirib.
Türkan