“Rəsmi Bakı Rusiyanın vasitəçilyindən imtina etməlidir”.

Sfera.az bildirir ki, bunu siyasi ekspert Məhəmməd Əsədullazadə deyib.

O qeyd edib ki, Rusiya hərbi kontingenti Qarabağda qalmaqla erməni icmasının reinteqrasiyasına mane olacaq:

“Azərbaycan yalnız Ermənistanla Laçın dəhlizində nəzarət buraxılış məntəqəsini qurmaqla separatçıların və Rusiyanın burada fəaliyyətini neytrallaşdıracaq. Ermənistanla Azərbaycan arasında hərbi eskalasiyanın baş verməsi mümkünlüyünə gəldikdə,  ABŞ dövlət katibi Entoni Blinken və Avropa İttifaqının prezidenti Şarl Mişelin hər iki ölkə liderləri ilə telefon danışıqlarından sonra bu, müəyyən qədər gündəmdən çıxıb. Ermənistan tərəfi danışıqlarda müəyyən üstünlüklər əldə etmək və Azərbaycana qarşı siyasi təzyiqləri artırmaq üçün təxribatlara getməkdə maraqlıdır”.

Ekspert sülhün ilkin şərtindən də söz açıb: 

“Ermənistanla sülh müqaviləsinin bağlanması ilk növbədə Azərbaycan Laçın dəhlizində post qoyduqdan və silahlı erməni birləşmələri ləğv edildikdən sonra mümkün olacaq.  Hazırkı situasiyada Ermənistan çalışır ki, Qarabağla bağlı təklifləri qəbul etsin. Bunun qarşısını almaq üçün Azərbaycan hazırkı siyasətini davam etdirməlidir”.

Türkan