Ötən ilin payızında Azərbaycan-Ermənistan sərhədində həyata keçirilən müvəqqəti Avropa müşahidə missiyasının hesabatı yalnız Aİ ölkələrinin özləri üçün açıqdır.

Sfera.az erməni mediasına istinadən xəbər verir ki, bu barədə Ermənistan Milli Assambleyasının müvafiq komissiyasının iclasında xarici işlər naziri Ararat Mirzoyan bildirib.

İclasda hakim partiyadan olan deputat Qurgen Arsenyan Aİ-nin mövqeyini anlamaq üçün yekun sənədlə harada tanış ola biləcəyini soruşub. Mirzoyan qeyd edib ki, sərbəst giriş yoxdur, çünki bu, faktiki olaraq hesabatdır, sənəd əvvəlcə Aİ rəhbərliyi üçün nəzərdə tutulub.

Xatırladaq ki, Avropa İttifaqının müvəqqəti monitorinq missiyası ötən ilin oktyabrından dekabr ayına kimi davam edib. 2023-cü ilin yanvarında Brüssel bir ay sonra işə başlayan uzunmüddətli missiyasını elan edib.

İnci