"Dəstək gözlədim, münasibətlərə xələl gətirməmək üçün susuram..." - Zelenskidən kritik İsrail AÇIQLAMASI

"Çox uzun müddət İsraildən dəstək gözlədim. Mən İsrailin vasitəçi mövqeyində olmasını istəmirdim, onların Ukraynanın tərəfini seçmələrini istəyirdim".

Sfera.az xarici mediaya istinadən xəbər verir ki, bunu mətbuat konfransında Ukrayna Prezidenti Volodimir Zelenski deyib.

"Mən təkcə əhalidən deyil, həm də siyasi rəhbərlikdən dəstək istədim. Bu, mənim üçün həm şəxsən, həm də tarixi baxımdan həqiqətən vacib idi. Ukraynanın İsraillə yaxşı münasibətləri var”, - Ukrayna lideri bildirib.

İsrailin İrana qarşı hərəkətləri və İranın Rusiyaya yardımı ilə bağlı suala isə Zelenski bildirib ki, onun cavabı var, ancaq Ukrayna və İsrail arasındakı münasibətlərə xələl gətirməmək üçün bunu deyə bilməz.

İnci