Xəbər verdiyimiz kimi, ötən gün Beynəlxalq Ədalət Məhkəməsində  Azərbaycan və Ermənistan arasında dinləmələr keçirilib.

Sfera.az xəbər verir ki, dinləmə sonrası məlum olub ki, məhkəmə yalnız həftələr sonra qərar verəcək. Qərarın dərci hətta aylar da çəkə bilər.

Qeyd edək ki, ictimai dinləmələr Haaqadakı Sülh Sarayında baş tutub.

Ermənistan dinləmələr zamanı Laçın dəhlizindən sərbəst hərəkət edə bilməyi və Şuşa-Xankəndi yolunda etiraz aksiyasının bitməsini tələb edib.

Bu gün isə Beynəlxalq Ədalət Məhkəməsində Azərbaycanın Ermənistana qarşı iddiasına baxılacaq. Azərbaycan tərəfi Ermənistanın azərbaycanlıların insan hüquqlarının məqsədyönlü şəkildə pozulmasına cavab olaraq, “İrqi ayrı-seçkiliyin bütün formalarının ləğv edilməsi haqqında” Beynəlxalq Konvensiya (CERD) çərçivəsində təcili tədbirlər görülməsi məqsədilə Beynəlxalq Ədalət Məhkəməsinə müraciətini təqdim edib.

Əzizə Zeynal