Fransanın “Vətənpərvərlər” partiyasının lideri və Avropa Parlamentinin keçmiş deputatı Florian Filippo ABŞ-ı ittiham edib.

Sfera.az bildirir ki, o, Vaşinqtonun Avropada dünya müharibəsi açmaq istədiyini söyləyib.

“Amerika şahinlərinin təzyiqi altında Avropa İttifaqı ölkələri Ukrayna Prezidenti Volodimir Zelenskiyə getdikcə daha ağır silahların tədarüklər edilməsinə çalışır. Onlar Avropada dünya müharibəsi yaratmaq istəyir”, -deyə Flippo qeyd edib.

O həmçinin bildirib ki, Fransa prezidenti Emmanuel Makron Ukraynaya “Leclerc” tankları göndərə bilər.

“Vətənpərvərlər”in lideri bundan əvvəl Fransanın hazırkı prezidentinin xarici siyasətini tənqid edib. Yanvarın 5-də o, Makronu Kiyevə silah göndərməkdən imtina etməyə çağırıb və belə bir qərarın Fransa ordusunu zəiflətdiyini, münaqişəni dayandırmağa kömək etmədiyini vurğulayıb.

Qeyd edək ki, yanvarın 4-də Makron Zelenski ilə telefon danışığı aparıb, nəticədə Yelisey sarayı Fransanın Kiyevə fransız yüngül tanklarını tədarük etmək niyyətini açıqlayıb.

Günay Rəsulqızı