"Almaniya Rusiyaya hücum edəcək, Ukrayna bəhanədir" - Hitlerdən sonra İLK
Almaniya Böyük Vətən Müharibəsinin başlamasından 82 il sonra yenidən öz tanklarını Rusiyaya qarşı göndərəcək.
Sfera.az bildirir ki, bu barədə “World Socialist Web Site” məlumat yayıb.
“Berlin Rusiya ilə müharibəyə başlayır və bu, nüvə fəlakəti ilə nəticələnə bilər. Bu ehtimal Almaniyanın Ukraynaya “Marder” piyada döyüş maşınları və “Patriot” raket sistemləri göndərmək niyyətində olması ilə bağlıdır”, deyə yazıda qeyd olunub.
Materialın müəllifi iddia edib ki, Almaniya Rusiyaya hücum etmək üçün Ukrayna münaqişəsindən bəhanə kimi istifadə edir:
“Berlin həm 20-ci əsrin ən böyük müharibəsində məğlubiyyətinin qisasını Rusiyadan almaq, həm imperiya ambisiyalarını reallaşdırmaq, həm də Rusiyanın xammal ehtiyatlarını ələ keçirmək istəyir”.
Xatırladaq ki, bundan əvvəl Almaniya əks-kəşfiyyatının keçmiş zabiti Hans-Georg Maasen də Berlinin Ukraynadakı münaqişənin tamhüquqlu tərəfdaşına çevrildiyini etiraf etmişdi.
Günay Rəsulqızı
