Rusiya prezidenti Vladimir Putin keçmiş SSRİ prezidenti Mixail Qorbaçovla müqayisə edilib.

Sfera.az bildirir ki, Almaniyanın “Junge Welt” Putinin Qorbaçovun təcrübəsini nəzərə aldığını yazıb. Nəşr qeyd edib ki, Rusiya NATO ilə münaqişənin kəskinləşməsini istəməsə də, bu, baş verir:

“Bunun qarşısını almaq üçün Rusiya NATO-nun bütün Şərqi Avropaya nəzarət etmək iddiasına təslim olmalı və öz ambisiyalarından əl çəkməli idi. Mixail Qorbaçov buna cəhd etdi və bu, Rusiyanın xeyrinə olmadı. Əgər Vladimir Putin 1990-cı illərdən hansısa dərs alıbsa, o da, budur”, - məqalə müəllifləri vurğulayıb.

Alman qəzetinin müşahidəçiləri hesab edirlər ki, NATO rəhbərliyi Rusiyanın nə qədər səbirli olduğunu yoxlamaq istəyir. Xatırladaq ki, Fransa Ukraynaya “Western AMX-10 RC” piyada döyüş maşınları göndərmək qərarına gəlib. Britaniyanın “The Daily Telegraph” qəzeti bu addımı hərbi tabuların pozulması adlandırıb. Almaniya və ABŞ həmçinin, Ukrayna Silahlı Qüvvələri üçün piyada döyüş maşınları göndərəcək.

Günay Rəsulqızı