“Ukrayna, Tayvan və Koreya yarımadası III Dünya Müharibəsinin potensial olaraq başlaya biləcəyi ərazilərdir”.

Sfera.az bildirir ki, bunu rusiyalı senator Aleksey Puşkov deyib. O, bu barədə “Telegram” hesabında paylaşım edib.  “Ukrayna, Tayvan və Koreya yarımadası dünyanın aparıcı güclərinin iştirakı ilə hərbi münaqişəyə səbəb ola biləcəyi üç yerdir. Ukrayna qlobal toqquşma üçün ən çox ehtimal olunan yer olaraq qalır”, deyə Puşkov vurğulayıb.

O həmçinin qeyd edib ki,  Yunanıstanla Türkiyə, Hindistanla Çin arasındakı ərazi mübahisələri genişmiqyaslı qlobal münaqişəyə başlamaq üçün çox kiçik səbəb olacaq. 

Qeyd edək ki, bəzi analitiklər bundan əvvəl ABŞ-da Üçüncü Dünya müharibəsinin 2023-cü ildə başlaya biləcəyini deyiblər. Amerikalı hərbi analitik Robert Farli vurğulayıb ki, artıq 2022-ci ildə dünya böyük dövlətlərin müharibəsinə yaxınlaşıb. Rusiya Təhlükəsizlik Şurasının sədr müavini Dmitri Medvedev də gələcəkdə Qərb ölkələrinin ittifaqlarının mövcudluğunu dayandıracağını söyləyib.

Günay Rəsulqızı