Türkiyədə seçkilərin tarixi ilə bağlı ziddiyət yarandı - İDDİA
Türkiyənin hakim Ədalət və İnkişaf Partiyası prezident seçkilərinin iyundan may ayına keçirilməsinin tərəfdarıdır, müxalifət isə belə bir fikrin əleyhinədir.
Sfera.az xəbər verir ki, bu barədə "RİA Novosti" qəzeti məlumat yayıb. Qəzetin yazdığına görə, seçkilərin iyunun 18-də keçirilməsi nəzərdə tutulsa da, aprelin 24-dən seçkiqabağı proseslərin təşkili üçün dəqiq təqvim aydınlaşmağa başlayacaq.
"Prezident seçkilərində namizədlər də may ayında müəyyənləşəcək. Seçki prosesi yaxınlaşdıqca, ən çox müzakirə olunan məsələlərdən biri də seçkilərin 2023-cü ilin mayında baş tutub-tutmayacağıdır. Hakim partiya seçkilərin imtahanlar və yay tətili səbəbilə may ayına salınmasının tərəfdarıdır. Ancaq müxalifət bunu dəstəkləməyəcəyi ilə bağlı bəyanat yayıb", - məlumatda bildirilib.
Qeyd edək ki, Türkiyədə növbəti prezident və parlament seçkilərinin 2023-cü il iyunun 18-də keçirilməsi planlaşdırılır.
Əzizə Zeynal
